 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Фашызму акантоўваюць кайданы,
Мяжуючы свабодныя імкнэньні,
І топяць праўду ў пустых падманах,
Гвалтуючы мільёны пакаленьняў.
Гісторыя ня ведае працяга
Пакору болю, жудасьці адчаю,
І чорны крук ніяк ня ўтоліць смагу,
І літасьці я болей не чакаю.
Успомніце пра годнасьць чалавека
І падыміцеся са схіленых каленаў!
Няўжо дваццатага на скону века
Цярпець мы будзем гэтыя ганеньні?!
Няўжо век новы, шматнадзейны мы сустрэнем
З скаванымі ланцугамі рукамі?
Забыўшыся на ўсё, мы станем ценем
Таго, што будавалася дзядамі!
Пакуль сьляпымі будзем да краіны,
Пакуль ня чуем мы яе стагнаньняў –
Ня будзе нам жыцьцё шчасьлівым,
Ня будзе ласкі – толькі пакараньне...
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
